Сустрэча выпускнікоў 1986 года ў музеі

7 лютага, у рамках традыцыйнага вечара сустрэчы выпускнікоў, народны музей гімназіі гасцінна расчыніў дзверы перад выпускнікамі 1986 года. Менавіта гэты выпуск разам са сваім любімым класным кіраўніком Таісіяй Канстанцінаўнай Мускай і ствараў наш музей.

Гэтая сустрэча стала магчымасцю ўзгадаць незабыўныя школьныя гады. Выпускнікі змаглі зноў акунуцца ў атмасферу юнацтва, пазнаёміцца ​​з выставай “Школьныя гады цудоўныя”, а таксама адчуць гонар за сваю гімназію і свой уклад, унесены ў яе гісторыю.