Смаргоншчына ў 40-80-я гг. XX ст.
Пасляваеннае жыццё паступова аднаўлялася. Горад адбудоўваўся, паляпшалася жыццё людзей, якія самааддана працавалі.
Мы сустракаліся з перадавікамі працы, народнымі ўмельцамі таго часу, запісалі іх успаміны, сабралі вельмі цікавыя фотаздымкі, рэчы, дакументы.
Вучнёўскі білет №34 Шэміса С.Р. (КП 1131).
Вучнёўскі білет выдадзены Шэмісу Станіславу Рафаілавічу 1 снежня 1948 года, вучню 10 класа сярэдняй школы горада Смаргоні Маладзечанскай вобласці.
Стандартны бланк Міністэрства асветы БССР памерам 6 см на 8,5 см; 3 лісты змацаваны скрэпкай з цвёрдай вокладкай зялёнага колеру, маецца фотаздымак, тэкст на рускай і беларускай мовах.
Перададзены 16.09.2006 Шэміс Ю.А., жонкай Шеміса С.Р..
Дакументы Міхалоўскага Пятра Фёдаравіча (КП 880).
Прадстаўлены:
1. Пасведчанне аб заканчэнні курсаў па падрыхтоўцы брыгадзіраў паляводчаскіх брыгад, 1952 год.
2. Пасведчанне аб выбранні дэпутатам Беніцкага сельскага Савета, 1957 год.
Перададзены 30.09.2003, Мускай Т.К., дырэктарам народнага музея гімназіі.
Працоўная кніжка Кізіка М.І. (КП 878).
Працоўная кніжка каваля Смаргонскага райпрамкамбіната Кізіка Мікалая Іванавіча; дата запаўнення 10 кастрычніка 1955 года.
Стандартны дакумент; 32 старонкі памерамі 10см на 14 см у цвёрдай вокладцы з тэкстам на рускай і беларускай мовах.
Перададзены 30.09.2003 Фурсам Уладзімірам, выпускніком СШ №4.
Пасведчанне №2 Козел Елізаветы Пятроўны (КП 1149).
Пасведчанне выдана 22 студзеня 1970 года цялятніцы калгаса “Чырвоны Партызан” Смаргонскага раёна Козел Елізавеце Пятроўне аб прысваенні ёй звання “Майстар жывёлагадоўлі другога класа”.
Стандартны бланк Міністэрства сельскай гаспадаркі Беларускай ССР памерамі 11 см на 15 см; цвёрдая вокладка шэрага колеру.
Перададзена 23.11.2006 Тарасевіч Т.А., дачкой Козел Е.П..
Арыфмометр “Феликс” (КП 1010).
Арыфмометр “Феликс” – настольная механічная вылічальная машынка для правядзення дакладных арыфметычных дзеянняў.
Арыфмометр выпушчаны на заводзе вылічальных машын “Счётмаш” у г.Курск.
Выкарыстоўваўся у 60-х гадах ХХ стагоддзя ў Смаргонскім лясгасе.
Перададзены 15.11.2004 Камінскім Вадзімам, вучнем гімназіі.
Кніга “Энеіда навыварат. Тарас на Парнасе”. Дзяржаўнае вучэбна-педагагічнае выдавецва БССР.Мінск,1953 (КП 1390).
Выданне на беларускай мове. 100 старонак, вокладка цвёрдая шэрага колеру; захаванасць добрая.
Перададзена 11.10.2018 Раманенка А.І., настаўніцай гімназіі.
Дзяржаўныя каштоўныя паперы - аблігацыі СССР (КП 920).
Аблігацыі Дзяржаўнага заёма аднаўлення і развіцця народнай гаспадаркі СССР на суму 100 рублёй (1946 год) і 25 рублёў (1949 год).
Перададзены 22.01.2004 Лагвіновічам Аляксеем, вучнем гімназіі.
Грошы СССР: банкноты і манеты (КП 526 – 531; КП 564– 578; КП 904 – 909).
Грошы СССР прадстаўлены банкнотамі (папяровыя грашовыя знакі) і манетамі (металічныя грашовыя знакі) рознай вартасці розных гадоў выпуску.Перададзены 12.09.2001 Красоўскім Анджэем, вучнем гімназіі; 14.09.2001 Васілеўскім Іванам, вучнем гімназіі; 15.11.2003 Адосій Вольгай, вучаніцай гімназіі.
Дзяржаўны акт на вечнае карыстанне зямлёй калгасамі №474669 (КП 1277).
Дзяржаўны акт выдан сельскагаспадарчай арцелі імя Лысенка вёскі Бялкоўшчына Смаргонскага раёна Маладзечанскай вобласці БССР на замацаванне за арцеллю на вечнае карыстанне 4655.26 гектараў зямлі.
Прыкладаецца апісанне граніц арцелі і план зямель.
Акт выданы 22 сакавіка 1956 года.
Стандартны бланк на 4-х лістах памерам 36 см на 50 см у цвёрдай вокладцы сіняга колеру; прашнураваны. Тэкст на беларускай мове.
Пераданы 16.09.2010 Смяльцовым С.Б., рабочым гімназіі.