І закрынічыла тут жыццё
 |  |  |
|---|---|---|
 |  |  |
 |  |
Святкуе сёння кожны клас,
Увесь школьны люд вясёлы.
I ўсклікае кожны з нас:
“3 днём нараджэння, школа!”
Тут можна веды набываць,
Сталеем, разумнеем
I “дзякуй” хочацца сказаць,
За ўсё, што мы ўмеем!
Табе, настаўнік наш, паклон!
Мы кажам шчыра, гучна:
“На многа год, на безліч дзён –
Здароўя, добрых вучняў!”
А школе слова мы даём,
Што ні ў якім разе
Мы імя добрае тваё
У жыцці не абразім.
Гэты верш напісала былая настаўніца гімназіі, ветэран педагагічнай працы, першы рэдактар газеты “Гімназіст” Ірына Ніканораўна Гаева да юбілею гімназіі.
А нарадзілася наша гімназія двойчы. Загад аб яе адкрыцці быў выдадзены 1 жніўня 1979 года, а ў будынак увайшлі 27 кастрычніка. У той суботні ранак начальнік будаўніцтва Яўген Цімафееў уручыў дырэктару Барысу Міхайлавічу Хіневічу сімвалічны ключ ад школы. Дзякуючы энергіі і мэтанакіраванасці Б.М. Хіневіча, які ўзначальваў нашу, тады сярэднюю школу №4, 17 гадоў, калектыву педагогаў, з’яднаных адной ідэяй, школа паступова ператварылася ва ўстанову новага тыпу - гімназію, першую на Смаргоншчыне.
Усяго скончылі вучобу ў гімназіі 2757 вучняў. З іх з залатым медалём – 315, з сярэбраным – 216.
 |  |
|---|---|
 |
Атрыбуты святочнай лінейкі “Адкрыццё школы” (КП 193, КП 194, КП 196, КП 197, КП 199).
27 кастрычніка 1979 года адбылося ўрачыстае адкрыццё будынка новай сярэдняй школы №4.
Атрыбуты свята захоўваюцца ў экспазіцыі “… І закрынічыла тут жыццё”:
- Школьны званок (КП 193).
- Сімвалічны ключ, які ўручылі будаўнікі дырэктару школы (КП 194).
- Чырвоная стужка (КП 196).
- Нажніцы (КП 197).
- Чырвоная падушка (КП 199).
Перададзены 05.03.1998 В.І.Хіневіч, жонкай першага дырэктара школы Б.М.Хіневіча.
Фота першага выпуску Смаргонскай сярэдняй школы №4 - 1979/1980 навучальны год, 10 клас, класны кіраўнік Букаева Марыя Вікенцьеўна (КП 670).
Перададзена 20.03.2003 М.В.Букаевай, настаўніцай гімназіі.
Асабістыя рэчы першага дырэктара сярэдняй школы №4 Хіневіча Барыса Міхайлавіча (КП 363, КП 454, КП 521):
- Тканы пояс з арнаментам (КП 363).
- Чарнільніца і ручка з пяром (КП 454).
- Тканы гальштук з арнаментам (КП 521).
Перададзены 24.11.1998, 05.09.1999,15.02.2001 В.І.Хіневіч, жонкай Б.М.Хіневіча.
Пасведчанне аб узнагароджанні нагрудным знакам “Выдатнік народнай асветы” Букаева Анатолія Аляксеевіча (КП 205).
Пасведчанне № 121-к аб узнагароджанні нагрудным знакам “Выдатнік народнай асветы” выдана Міністэрствам асветы Беларускай ССР Букаеву А.А. 8 чэрвеня 1987 года.
Стандартны бланк карычневага колеру памерам 6 см на 8,5 см; тэкст на беларускай мове.
Перададзены 15.03.1998, М.В.Букаевай, жонкай А.А.Букаева.
Значок ЦК ВЛКСМ “За выдатную вучобу” з пасведчаннем (КП 1164).
Значком ЦК ВЛКСМ “За выдатную вучобу” узнагароджана вучаніца Грышкевіч Ганна (1979 год).
Перададзены 14.04.2007 Г.А.Пітоленка (Г.Грышкевіч), настаўніцай гімназіі.
Костачкавыя лічыльнікі ( КП 1117, КП 1406).
Костачкавыя лічыльнікі – лічыльная дошка з костачкамі- выкарыстоўваліся для арыфметычных падлікаў у бухгалтэрыі, а таксама ў вучэбным працэсе.
Рама і костачкі драўляныя, спіцы металічныя.
Лічыльнік памерам 25 см на 40 см налічвае 11 спіц з костачкамі.
Лічыльнік памерам 16,5 см на 24 см налічвае 9 спіц з костачкамі.
Перададзены: 08.04.2006 Г.І. Крымскай ветэранам працы гімназіі;
18.08.2020 Палінай Манчак, вучаніцай гімназіі.
Інфармацыйны бюлетэнь “Гімназіст”, выпуск першы (КП 873).
Першы выпуск бюлетэня адбыўся ў лістападзе 1998 года. У ім падводзіліся вынікі конкурсу на лепшую назву гімназічнай газеты, прапаноўваліся рубрыкі новага выдання, а таксама прадстаўлялася яго рэдкалегія.
Газета “ГІМНАЗІСТ”, №1 (КП 873).
Газета з’яўлялася выданнем Асацыяцыі “Адзінства” школы-гімназіі №4 г.Смаргоні. Першы нумар выдадзены ў снежні 1998 года.
Перададзены 28.09.2003 кіраўніком народнага музея гімназіі Мускай Т.К.