XXVI навукова-практычная канферэнцыя даследчых работ навучэнцаў

25 красавіка ў гімназіі прайшла чарговая, XXVI навукова-практычная канферэнцыі даследчых работ навучэнцаў.

Прадстаўнік музея, член клуба “Нашчадкі” Лісоўскі Ян на пленарным пасяджэнні прадставіў сваю работу “Спаленыя вёскі Смаргоншчыны”, якая была ўдастоена Дыплома II ступені на XVIII Міжнароднай маладзёжнай навукова-практычнай канферэнцыі “Вялікая Айчынная вайна 1941–1945 гг. у гісторыі нашага народа”.

Пасля пленарнага пасяджэння праца працягвалася па секцыях. Лісоўскі Ян у секцыі “Гісторыя, краязнаўства, грамадазнаўства” прадставіў даследаванне “Дзейнасць партызанскага атрада спецыяльнага прызначэння “Баявы”: уклад у перамогу над фашызмам у гады Вялікай Айчыннай вайны». Навукова-даследчая работа заняла I месца і будзе прадстаўлена навучэнцам на раённай канферэнцыі.