Зварот да гістарычнай памяці народа, да ўрокаў гісторыі заўсёды актуальны. У гэтым годзе споўнілася 210 гадоў з часу пахода французскага імператара Напалеона на Расію. Яго войскі прайшлі праз беларускія землі двойчы: у чэрвені і снежні. А ў нашым горадзе пабывалі і сам Напалеон, і фельдмаршал Кутузаў. Менавіта ў Смаргоні Напалеон прыняў рашэнне пакінуць армію і ад’ехаў у Францыю. Падзеям Айчыннай вайны 1812 года ў нашым музеі была прысвечана выстава, а таксама экскурсія з выкарыстаннем відэаматэрыялаў. Асабліва цікавымі былі ілюстрацыі, зробленыя мастакамі-сведкамі тых падзей, на якіх адлюстраваны і нашы мясціны, і наш горад.
Comments