У снежні ў музеі гімназіі прайшла ўнікальная выстава, прысвечаная календарам розных гадоў.
Каляндар - гэта не проста сродак для адсочвання часу, але і адлюстраванне эпохі, у якой ён быў створаны. Кожны экспанат выставы расказваў сваю гісторыю, апускаючы наведвальнікаў у атмасферу мінулых дзесяцігоддзяў.
На выставе прадстаўлены календары, пачынаючы з сярэдзіны ХХ стагоддзя і да нашых дзён. Тут можна ўбачыць як савецкія насценныя календары з яркімі агітацыйнымі выявамі, так і сучасныя рэкламныя выданні з фатаграфіямі вядомых людзей і пейзажаў.
Асабліва цікавыя календары, выпушчаныя да знамянальных дат, тэматычныя календары («Календарь школьника», «В мире прекрасного», «Беларускі каляндар”, “Не маўчы па-беларуску”, «Женский календарь», «Лунный календарь»), календары, прывезеныя з турыстычных паездак, сувенірныя календары, царкоўныя календары (праваслаўныя і каталіцкія)….
Акрамя таго, на выставе была прадстаўлена разнастайнасць фарматаў і дызайнаў календароў. Ад простых папяровых лістоў да вытанчаных насценных пано - кожны каляндар унікальны і цікавы па-свойму.
Гэтая выстава не толькі пазнаёміла нас з гісторыяй праз прызму паўсядзённага прадмета, але і нагадала аб важнасці беражлівых адносін да культурнай спадчыны. Бо нават такія штодзённыя рэчы, як календары, могуць стаць каштоўнымі артэфактамі, якія расказваюць пра жыццё і інтарэсы пакаленняў.
Comments